Lura Elezi
Krijuese dhe drejtuese e festivalit.
Krijuese dhe drejtuese e festivalit
Lura është një agjente kulturore si dhe aktiviste me përvojë në Shqipëri e Kosovë. Çdo projekt i saj nis nga nevoja për t’u rrethuar me art dhe për të mësuar më shumë mbi çdo komunitet e çdo “diamanti të fshehur” në vendin tonë, pasi ajo beson që ka shumë të tillë, në çdo skutë. Tirana HarmoniFest ishte një ndër projektet që ndenji gjatë në sirtar deri sa u bë realitet, pasi duhet të kapte disa standarde të pa negociueshme. Lura u diplomua për Komunikim me Masat dhe Marketing, dhe që pas diplomimit ka lëvruar çdo fushë të mundshme të këtyre dy degëve në Shqipëri e Kosovë, që nga marketingu tradicional, tek të shkruarit për revista arti, krijimi dhe konceptimi dhe kurimi i koncerteve, festivaleve, fushatave me tematika sociale,etj. Të gjitha këto bëhen nën kupolën e qendrës Laralara dhe agjencisë butik Mogul.
Klaudjo Taho
Këshilltar Kryesor
Këshilltar Kryesor
Klaudjo Taho, specialist pranë Shërbimit Social të Bashkisë Tiranë, ka kryer studimet në Universitetin e Tiranës dhe është diplomuar ne degën “Master Shkencor në të Drejtë Civile”. Gjatë karrierës së tij është angazhuar në aktivitete të ndryshme të shoqërisë civile duke përfshirë grupet në nevojë - kryesisht anëtarë të pakicës rome në jetën sociale dhe publike të vendit. Klaudjo prej ditës së parë ka punuar pa rreshtur për të mbledhur pjesëtarët e komunitetit për Tirana HarmoniFest.
Raxhi Rakipi
Koordinator Panairi
Koordinator Panairi
Raxhi Rakipi ka kryer studimet e larta për gjuhë shqipe dhe rome dhe aktualisht punon si mësues i gjuhës rome. Prej 11 vitesh ai punon me organizatat e shoqërisë civile për të advokuar për të drejtat e pakicave kombëtare rome dhe egjiptiane. Prej fillimit Raxhi ka bërë të pamundurën për të mbledhur një panair sa më të larmishëm e origjinal për Tirana HarmoniFest.
Nurjana Mullai
Koordinatore
Koordinatore
Ana është një individ i përkushtuar dhe e pasionuar për sfidat dhe diversitetin. Dashuria per kafshët, natyrën dhe këdo që bie në sy nxiten te ajo edhe pasionin për fotografinë. E arsimuar në fushën e "Gjuhës dhe Letërsisë Angleze", ajo e shikon punen si një mundësi për të përmirësuar veten dhe komunitetin që e rrethon.