Le të jemi krenarë me përbërjen e vendit tonë!
Tirana HarmoniFest është një festival njëditor që ndodh në 8 prill 2024 në mënyrë të njëkohshme në mjedise të ndryshme në kryeqytet, i krijuar për të festuar dhe shfaqur traditat kulturore, artin dhe kontributet e komunitetit rom në Shqipëri. Ai synon të jetë një ngjarje edukative, e gëzueshme, respektuese dhe unifikuese që nxjerr në pah forcën e larmishmërisë kulturore brenda shoqërisë sonë. I pari i kësaj natyre, u krijua bazuar në parimet ndërkombëtare të festivaleve kulturore ku çdo detaj kurohet me thellësi duke nxjerrë në pah vlera që mbase nuk njihen masivisht. Ne besojmë fort që njohuria është ajo çka mund të dekonstruktojë moskuptime duke afruar sa më pranë njëri-tjetrit grupe që më pare kanë menduar se nuk kanë të përbashkëta. Andaj ju ftojmë të ndiqni programin e 2024 duke uruar që në vitet e ardhshme festivali të zgjerohet në aktivitete dhe në kohëzgjatje!